R�gions D�mocrates - Les sites de campagne

Una region fòrta e liura de sas causidas
Lucharem per afortir l’independéncia de nòstra region e lo cambiament de la fiscalitat permetant son autonomia.

Una region fièra de sa cultura
Farem valer l’emergéncia de talents novèls en region per l’atribucion de borsas e la mesa a dispausicion de luòcs per demorar e de repeticion. Assegurarem l’acompanhament de la difusion dins la region tota amb de prètz accessibles a totes. Fargarem de plancas dins l’encastre de l’Eurò-region Pirenèus-Mediterranèa. Sostendrem la creacion e la difusion de las òbras en lenga occitana que fan partida del patrimòni viu.

Una region a l’escota de sos estatjants
Volèm crear una discutida permanenta entre los Miègjorn-Pirenencs e los elegits. Serem d’elegits de terren, atentius e accessibles. Suls projèctes regionals bèlses, nos aconselharem de vos per referendum. Rendrem còmpte anualament de nòstra accion.

Una region qu’assegura los servicis publics
« Los servicis publics son la sola riquessa dels mai desprovesits. » (François Bayrou)

Per un servici public de proximitat
Mantendrem l’accès als servicis publics per totes sul territòri regional. Aital, volèm que d’aquí a 2014 pas un estatjant siá a mai de mièja-ora d’un servici essencial.

Per un plan santat regional
D’acòrdi amb la populacion, aquel plan deurà prene en carga la responsabilitat de la prevencion, particularament dins totes los luòcs d’aprendissatge. Aquel plan lucharà contra la desertificacion medicala.

Per una Agéncia regionala de l’aiga
Cargada de la preservacion e mesa en valor dels mitans naturals, competenta en matèria de lucha e prevencion de las pollucions, assegurarà l’egalitat tarifària a totes los estatjants de la region. Aquela agéncia participarà  a l’usatge rasonat de l’aiga.

Una region ambiciosa creadritz d’emplècs
La region es la bona escala per obrar. Deu portar un projècte ecologic e economic regional bèl, capable de federar totas las fòrças localas.

Per una agricultura regionala de qualitat
Volèm crear un fons regional d’intervencion agricòla. Afavorizarem la transmission del saber agricòla e la diversificacion de las filièiras. Assegurarem los circuits corts entre productors e consumeires. Sostendrem la promocion de nòstres produches regionals.

Per una produccion d’energias alternativas al tot nuclear
Provesir 100 % dels licèus en fotovoltaïc, instaurar de critèris environamentals dins los apèls d’ofèrtas, ligar energias renovelablas e proximitat (filièira fust, microidraulic, solari termic, eolian, geotermia, òlis vegetals…).

Téléchargez le tract Midi-Pyrénées en action

Per d’industrias nòvas al servici de l’emplèc
La region sostendrà  la recèrca e lo desvolopament al benefici de l’industria. Simplificarem l’accès als mercats publics regionals, especialament pels artesans, los comèrcis de proximitat, TPE et PME. Sostendrem los saupre-far ancians e las recèrcas d’activitats novèlas.

Una region d’avenidor per cadun
L’orientacion escolara es devenguda escura per fòrça d’entre nautres. Corregirem aquela injustícia. La region es responsabla de l’aprendissatge, de la formacion professionala e dels licèus.

Per d’estagis assegurats
Per çò qu’es pas aisit de trobar un estagi, la region assegurarà un estagi per totes en passar de convencions amb las entrepresas, associacions, administracions… Volèm dobrir las pòrtas dels licèus a una universitat populara nòva dubèrta a totes.

Per un permís de condusir finançat per la region
Per çò que lo permís de condusir es duèi indispensable per trobar un emplèc, prepausarem son ensenhament a gratís per totes los joves l’annada de lor majoritat. Aquel ensenhament serà prepausat en associacion amb los professionals de la conducta e los establiments escolars.